काठमाडौँ । काठमाडौँको माइतीघरमा जेनजी पुस्ताले आज प्रदर्शन गर्दै छन् । सोमबार बिहान ९ बजेदेखि जेनजी पुस्ता (सन् १९९७ देखि २०१२ भित्र जन्मिएका) युवाहरूले प्रदर्शन गर्न लागेका हुन् ।
प्रदर्शनका लागि जिल्ला प्रशासन कार्यालय काठमाडौँबाट युवाहरूले अनुमति लिइसकेका छन् । उनीहरूले सामाजिक सञ्जाल बन्द, भ्रष्टाचार र नातावादविरुद्ध प्रदर्शन गर्ने भनेर केही दिनदेखि सामाजिक सञ्जालमार्फत आह्वान गर्दै आएका थिए ।
जेनजी पुस्ताले माइतीघरमा सोमबार बिहान ९ बजेतिर भेला हुने र ११ बजेतिर मार्चपास गर्दै बानेश्वरसम्म पुग्ने कार्यक्रम राखेका छन् । जेनजी पुस्ताको आन्दोलनलाई जनप्रतिनिधि र नेताले समर्थन गरेका छन् । सरकारले भदौ १२ गते सात दिनको समय दिएर २६ सामाजिक सञ्जाल निष्क्रिय गर्ने निर्णय गरेको थियो ।
