Tibra News 
काठमाडौँ – नेपाली सेनाको कायम मुकायम प्रधान सेनापतिमा बलाधिकृत रथी अशोकराज सिग्देल नियुक्त भएका छन् । मन्त्रिपरिषद्को सिफारिसमा राष्ट्रपति रामचन्द्र पौडेलले रथी सिग्देललाई बुधबार कायम मुकायम प्रधान सेनापति तोकेका हुन् ।
राष्ट्रपति पौडेलले ज्येष्ठता आधारमा सिग्देललाई सैनिक ऐन, २०६३ को दफा ८ को उपदफा (३) बमोजिम मन्त्रिपरिषद्को सिफारिसका आधारमा नेपाली सेनाको कायम मुकायम प्रधान सेनापति तोकेका हुन् ।
प्रधान सेनापति महारथी प्रभुराम शर्माको तीन वर्षे कार्यकाल आगामी भदौ २५ मा समाप्त भएर अवकाश पाउँदै छन् ।
