काठमाडौं– अमेरिकामा २१ वर्षीया नेपाली छात्रा मुना पाण्डेको गोली हानी हत्या गर्ने अभियुक्तलाई ह्युस्टन प्रहरीले पक्राउ गरेको छ।
सर्वसाधारणको विभिन्न सुझावका आधारमा बुधबार साँझ ट्राफिक जामको क्रममा संदीग्धलाई पक्राउ गरिएको हो।
अभियुक्तको परिचय खुल्न नसकेको भए पनि प्रहरीले उनको बयान लिएको छ। यस समयमा कुनै आरोप दायर गरिएको छैन।अगस्ट २४ शनिबार राति ९ः४८ मा सीसीटीभी फुटेजबाट कैद गरिएको संदीग्धको तस्बिर बुधबार प्रहरीले सार्वजनिक गरेको थियो।
मुना सोमबार साँझ उनको ह्युस्टन अपार्टमेन्टमा मृत फेला परेकी थिइन्।
साँझ ५ः३५ बजे फोन गर्दा प्रहरीले गोली चलाएको अवस्थामा फेला पारेको थियो। घटना वेस्ट एयरपोर्ट बुलेभार्डमा भएको हो। उनको शव पोस्टमार्टमका लागि पठाइएको छ।
नेपालको भोजपुर निवासी पाण्डे सन् २०२१ देखि ह्युस्टन कम्युनिटी कलेजमा पढ्दै आएकी थिइन्। उनकी आमा अनिता पाण्डे अधिकारी काठमाडौंमा बस्छिन्। पाण्डे उनको परिवारमा एक्लो सन्तान थिइन्। उनको फोन शनिबारदेखि बन्द भएको बताइएको छ, जसले गर्दा घटना सप्ताहन्तमा भएको हुनसक्ने आशंका गरिएको छ।
