तस्करीको पाँच केजी सातसय ग्राम सुनसहित त्रिभुवन अन्तर्राष्ट्रिय विमानस्थलमा तीन जना विदेशी नागरिक पक्राउ परेका छन् । मंगलबार बेलुका भन्सार र सशस्त्र प्रहरीको संयुक्त टोलीले चिनियाँ नागरिक जियान होङ, म्यानमारका साट मियाङ टुन र एल गोन फूलाई पक्राउ गरेको हो ।
संयुक्त अरब इमिरेटे्सको शारजहाबाट आएका उनीहरुले लगेजमा स्पीकरभित्र लुकाएर सुन तस्करी गर्ने प्रयास गरेका थिए । लगेज शंका लागी पुनः जाँच गर्ने क्रममा स्पीकरभित्र सुन भेटिएको सशस्त्र प्रहरीले जनाएको छ ।
