लोक सेवा आयोग केन्द्रीय कार्यालय कमलपोखरीले एकीकृत तथा संयुक्त परीक्षा प्रणाली अन्तर्गत शाखा अधिकृत पदको अन्तिम नतिजा प्रकाशित गरेको छ ।
शाखा अधिकृतको परीक्षा संसारमा नै सबैभन्दा बढी प्रतिष्पर्धात्मक र महत्त्वपूर्ण मानिन्छ । त्यसमाथि पनि लोकसेवा आयोगले आ व ०८०।०८१ का लागि खोलेको शाखा अधिकृतको विज्ञापन हालसम्मकै सबैभन्दा बढी झण्डै २५ हजार हाराहारीमा दरखास्त परेको चर्चा त्यतिबेला नै चलेको थियो ।
नेपाल प्रशासन सेवाको राजश्व, लेखा, सामान्य प्रशासन गरी ९४ र लेखापरीक्षण ९ गरी १०३ दरबन्दीका लागि खुलामा र ९४ जना समावेशी गरी १९७ दरबन्दीका लागि आयोगले सञ्चालन गरेको शाखा अधिकृत पदको प्रारम्भिक परीक्षामा २१०२७ जना परीक्षार्थी सहभागी भएका थिए ।
जसमा प्रारम्भिक परीक्षाबाट ९२९३ जना दोस्रो चरणको परीक्षाका लागि छनौट भएको थिए भने ६४३० जना दोस्रो चरणको परीक्षामा सहभागी भएका थिए । दोस्रो चरणको परीक्षामा सहभागी ६४३० जनाबाट गत असोज १ गते सार्वजनिक भएको लिखित परीक्षाको नतिजामा खुलाका १४५ जनासहित खुला समावेशि गरी ३०१ जना परीक्षार्थी कम्प्युटर सीप परीक्षण, सामुहिक परीक्षण र अन्तर्वार्ताका लागि छनौट भएका थिए ।
यसरी परीक्षाका विभिन्न चरणहरू पार गर्दै लमजुङ जिल्ला राइनास नगरपालिका वडा नं। १०, हाल बेसीशहर नगरपालिका वडा न। ११ निवासी जिल्ला प्रशासन कार्यालय लमजुङका खरिदार श्यामविक्रम न्यौपाने योग्यता क्रम नं। ४० मा उत्तीर्ण भई शाखा अधिकृतका लागि लोक सेवा आयोगबाट सिफारिस भएका हुन् ।
७७ जिल्ला मध्ये सबैभन्दा बढी स्याङ्जा र बाग्लुङबाट ९र९ जना सिफारिस भएका छन् भने १८ जिल्लाबाट यस बर्ष कोही पनि उत्तीर्ण भएनन् । जसमा २०९८८ जनालाई पछि पार्दै लमजुङबाट एकजना न्यौपाने मात्रै सफल भएका हुन् ।
Leave a Reply