शेफ नेपालः द प्रोफेशनल्समा १०० आवेदन, २६ को प्रमाणिकरण- चाँडै आवेदन बन्द हुने

हालसम्म १०० भन्दा बढि प्रोफेशनल शेफहरुले “शेफ नेपालः द प्रोफेशनल्स”मा आवेदन दर्ता गराईसकेका छन् ।

प्राप्त आवेदन मध्ये ३५ आवेदन नेपालमै कार्यरत प्रोफेशनल शेफहरुको रहेको छ भने बाँकि आवेदनहरु बिभिन्न देशमा रहेर यस पेशामा काम गरिरहेका शेफहरु हुनुहुन्छ । सो आवेदनहरुमा भारतबाट २४, अष्टे«लियाबाट ८, दुबईबाट ६,स ाउदि अरेयिबाबाट ५, कतारबाट ४, बेलायतबाट ३, डेनमार्क, अमेरिका, माल्दिभ्स र कुवेतबाट २÷२, र स्विडेन, क्यानडा, हङ्गकङ्ग, सेसेलिस, ओमन, क्रोयसिया र साईप्रस बाट १÷१ बटा रहेका छन् । प्राप्त आवेदनहरु मध्ये हालसम्म २६ आवेदकहरुको प्रमाणिकरण पुरा भई सकेको छ । प्रमाणित आवेदकहरुको जानकारी शेफ नेपालको वेबसाइट तथा सामाजिक संजालहरुमा उपलव्ध रहेका छन् ।

यो प्रोफेशनल शेफहरुको प्रतिस्पर्धात्मक कुकिङ्ग रियालिटि शो हो । यसमा प्रोफेशनल शेफहरुले मात्र सहभागि हुन पाँउदछन् । कमर्सियल किचनमा ५ वर्षभन्दा बढिको अनुभव भएको र इण्डष्ट्रिमा डेमि सिडिपि तह वा सो भन्दा माथिका शेफहरुले आवेदन दिन सक्नेछन् । हाल सम्म प्राप्त आवेदनहरुमा दुसित प्रिन्सेस, भिभान्ता, साउदि एयरलाइन्स क्याटरिङ्ग, दुसितथानी मालदिभ्स, अकेडेमि अफ कलिनरी आर्टस्, सिल्भर माउण्टेन कलेज, म्यारियट काठमाण्डौं, होटल ताज मुंबई, हायात रेजेन्सी, जुमेराह मस्कट ओमन, मक्र्युर होटल, आल्मा होटल रियाद, लगायत होटल र अन्य रेस्टुरेन्टहरुमा कार्यरत शेफहरु यस प्रतिस्पर्धामा सहभागी हुन उत्सुक हुनुहुन्छ ।

देश वा विदेशमा रहनुभएका इच्छुक प्रोफेशनल शेफहरुले यस शोमा अभैm पनि आवेदन दिने मौका खुल्ला छ । शेफ नेपालको वेबसाइट मार्पmत रजिष्ट्रेसन गर्न सकिने छ । आवेदन गर्दा आफ्नो सम्पुर्ण बिवरणका साथ फोटो र बायोडाटा अपलोड गरि पठाउन पर्नेछ ।
छिट्टै नै आवेदन बन्द गरिने र शो को अन्य तयारीहरु अघि बढ्ने छ । थप बिवरण तथा जानकारी शेफ नेपालको वेबसाईट तथा सामाजिक संजालमा गएर प्राप्त गर्न सकिने छ ।

शेफ नेपाल एक प्रतिस्पर्धात्मक रियालिटि शो हो । नेपालमा बिभिन्न रियालिटि शोहरु अन्तराष्ट्रिय फ्रान्चाइजका रुपमा संचालन भई रहेका छन् । बिबिसि माष्टरशेफको मोडालिटि सँग मिल्दो जुल्दो देखिएता पनि शेफ नेपाल फ्रान्चाइज शो भने होईन । यो नेपालको आफ्नै मौलिकता बोकेको कार्यक्रम हो ।

यसलाई “मेड इन नेपाल प्रडक्ट”पनि भन्न सकिन्छ । २०२२ ताका घोषण गरि शुरु गरिएको यस शो केहि ढिलाईका बावजुद २०२४ मा समापन भएको थियो । पहिलो संसकरणको कार्यक्रम जम्मा २० भागको रहेको थियो भने अमेच्युर कुक, होमकुक तथा पाककलाका पारखिहरुले शोमा सहभागिता जनाएका थिए ।

संस्कृति, परम्परा, जातजाति, रहनसहन आदिमा भएको विविधता र त्यसले सिर्जना गरेको पाक बिविधतालाई सम्पुर्ण रुपकमा समेट्ने गरि शेफ नेपालको परिकल्पना गरिएको छ । शेफ नेपालको वेब पोर्टल मार्पmत नेपालको पाक विधालाई सम्पुर्ण रुपमा समेट्दै नेपालको पाक संस्कृतिको पुर्ण प्रतिनिधित्व गर्ने जमर्कौ गरिएको छ ।