काठमाडौँ । नेपाली बजारमा सोमबार सुनचाँदीको मूल्य ऐतिहासिक उचाइमा पुगेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ४ हजार १ सय रुपैयाँले वृद्धि भई २ लाख ७४ हजार ७ सय रुपैयाँ कायम भएको छ।
यसअघि आइतबार सुन तोलाको मूल्य २ लाख ७० हजार ६ सय रुपैयाँ थियो।
सुनसँगै चाँदीको मूल्यमा पनि उल्लेख्य वृद्धि देखिएको छ। आज चाँदी तोलामा २०५ रुपैयाँले बढेर ५ हजार १९५ रुपैयाँमा कारोबार भइरहेको छ। आइतबार भने चाँदीको मूल्य तोलामा ४ हजार ९९० रुपैयाँ थियो।
